Wêjegeh Amedê bernameya xwe ya Mijdarê eşkere kirîye

Wêjegeh Amedê bernameya xwe ya Mijdarê dîyar kir.

Di bernameya Wêjegeh Amedê da, bi temamî 6 gotûbêj cih digirin ku hemî gotûbêj dê li Wêjegeh Amedê pêk bên.

Gotûbêja ewil ya Sibel Oralê ye ku dê 15yê Mijdarê saet 18:00an li gel hezkirîyên xwe be, kitêbên xwe îmze bike û li ser kitêba xwe ya bi navê Memet Deng Tê Te biaxive.

Devran Kaya dê 19yê Mijdarê saet 15:00yan li ser romana xwe ya bi navê Qasedên Dêya Min gotûbêjekê bike.

Metin Aydın dê 21ê Mijdarê saet 18:30an li ser kitêba xwe Ev Pirtûkeke Hevpeyvînan e gotûbêjekê bike.

Ahmed Kanî di peywende kitêba Belkî Îşev Biniveya Murat Bayram da, 22yê Mijdarê saet 18:30an dê li ser mijara Rojnamegerîya Wêjeyî gotara xwe pêşkêş bike.

Kerem Fırtına dê 25ê Mijdarê saet 15:00yan li ser du kitêbên xwe Hevalê Min ê Herî Nêz, Dînek e û Hevalê Min ê Herî Nêz Dîntir e û Bihêrstir e gotûbêjekê bike.

Fexrîya Adsay dê 29ê Mijdarê saet 18:30an li ser mijara Werger Wek Helwesteke Politîk gotara xwe pêşkêş bike.