3 rojnamevan hatine desteserkirin
Rojnameger Fırat Can Arslan, Delal Akyüz û Sibel Yükler di serdegirtinên malan da hatine desteserkirin.
Li gor nûçeya Ajansa Mezopotamyayê lêpirsîn ji aliyê Serdozgerîya Komarî ya Amedê ve hatiye despêkirin.
Di çaroçeya lêpirsînê da polîsan berbanga sibê avêtine bi ser mala rojnamevanan.
Nûçegihanên Ajansa Mezopotamyayê Firat Can Arslan li mala xwe ya Enqereyê, Delal Akyûz jî li mala xwe ya Îzmîrê hatine desteserkirin.
Rojnamevan Sibel Yükler jî 5ê Sibehê da li mala xwe ya Enqereyê hatiye desteserkirin.
Di derheqê sedema desteser kirina rojnamevanan da heta niha tu daxuyanîyek nehatiye dayîn.
Nayê zanîn ku rojnameger ji ber çi hatine desteserkirin.
