Li Stenbolê şeva rêzgirtinê ji bo Mîr Celadet Alî Bedirxan

Mîr Celadet Alî Bedirxan 26ê Nîsana 1893yan li Stenbolê ji dayik bûye û 15yî Tîrmeha 1951an rehmet kirîye.

Ji ser wefata wî 73 sal derbas bûne.

Bi boneya yadkirina Mîr Celadet Alî Bedirxan li stenbolê bernameyek tê lidarxistin.

Bi sernavê Mirovek û Welatek, Şeva Rêzgirtinê ji bo Mîr Celadet Alî Bedirxan bernameyek ji alîyê Navenda Çanda Mezopotamyayê (NÇM) ve tê lidarxistin.

Di bernameyê da çendîn nivîskar, helbestvan û sazî û dezgehên kurdî cih digirin.

Pêşkêşvanîya bernameyê ji alîyê Sakîna Jîr ve dê bê kirin.

Axaftina destpêkê dê ji alîyê nivîskar û helbestvan Selîm Temo ve dê bê kirin.

Sînemxan bi vîdeoyekê dê behsa bavê xwe bike

Firat Cewerî dê behsa serborîya xwe ya berhevkirina hejmarên Hawarê bike.

Bawer Ronahî û Roza Metîna dê helbestên Mîr Celadet Alî Bedirxan bixwînin.

Berken Bereh dê helbesta Mîr Celadet Alî Bedirxan ya bi navê Bilûra Min bixwîne.

Hedîye, Şoreş Mehmoudî û Mihemedê Serhedê dê bistirên.

Herwiha Ji Hewarê Heya Îro dê çapemenîya kurdî bê nirxandin.

Bername 26ê Nîsanê, îro, li Stenbolê, li Salona Cemal Reşît Bedayî saet 19:00an dest pê bike û divê herî kêm beşdar saet 18:30 têketibin salonê.

*Beşdar divê herî kêm 13 salî bin.