NY: Li Xezeyê 600 hezar kes ji cih û warên xwe bûn
Li gorî rapora UNRWAyê, ji 21ê Çiriya Pêşiyê heta niha 54 barhilgir derbasî Xezeyê bûn û alîkarî gîhandin niştecihan. Di nava kelûpelên alîkariyê de, xurek, av û derman hene lê destûra derbaskirina sotemeniyê nehat dayîn.
Ajansa Alîkarî û Avahîdaniya Penaberên Filistînî ya li Rojhilata Nêzîk a Neteweyên Yekgirtî (UNRWA), ragihand ku li Xeta Xezeyê, ji ber êrîşên Îsraîlê, 600 hezar kes neçar mane cih û warên xwe bibin.
UNRWAyê bi navê “Qudsa Rojhilat jî tê de Rewşa li Xeta Xezeyê û Şerîaya Rojava: “17 Rojên di Şer de” weşand.
Di raporê de hatiye diyarkirin ku li Xeta Xezeyê, ji ber êrîşên Îsraîlê, 600 hezar kes neçar mane ji cih û warên xwe bibin. Ev kes di 150 sitargehên UNRWAyê de hatine bicihkirin.
Hatiye gotin ku di 24 saetên dawiyê de 10 hezar kesên din ji cih û warên xwe bûn û li gel herêmên navenda Xezeyê, ji Xan Yûnis û Refahê jî nêzîkî 430 hezar filistînî ji cih û warên xwe bûn.
Ji bo dewama nûçeyê bitikîne.
