Şaneşîn Performans amadekarîya avakirina sehneya xwe dike
Koma şanoya kurdî Şaneşîn Performans amadekarîya avakarina sehneya xwe dike.
Ew, du sal in li Mêrdînê, li bin sîwana Şaneşîn Performansê xebatên çandî û hunerî dike. Ew dixwazin sehneya xwe ava bikin. Li wir lîstikên xwe bilîzin û mazûvanîya lîstik û komên din jî bikin.
Ji ber problemên aborî ew nikarin sehneya xwe ava bikin. Ji ber vê yekê jî ew serî li rêyeka din didin.
Wan, bilêtên kombîne amade kirine û kesên ku bilêta kombîneyê dikirin, dikarin salekê hemî lîstikên Şaneşîn performansê temaşe bikin. Wan nîyet e di serdema nû da bi çar lîstikên nû li pêşberî temaşevan û hezkirîyên xwe bin.
Bi vî awayî, ew dê dahata kombîneyan ji bo avakirina sehneya xwe û mesrefên xwe xerc bikin.
Şaneşîn Performans 9ê Sibata sala 2022an, li Mêrdînê ji alîyê çend mamosteyên zimanê kurdî û dildarên hunera kurdî ve hatîye avakirin. Heta niha bi navê Penceşêr û Bêcir du lîstik berhem anîne. Ew derketine turneyan û wan li gelek bajaran lîstikên xwe pêşkêş kirine.
