Ji 5 rojnamegerên hatibûn desteserkirin yek jê hatiye girtin

5 rojnamegerên li bajarên cuda hatibûn desteserkirin, 4 ji wan hatine berdan.  Nûçegîhanê Ajansa Mezopotamyayê Fırat Can Aslan hatiye girtin.

Arslan bi tohmeta, "hedefnîşandana wezîfedarên dij-terorê (TMK-6/1)” hat girtin.

Li Amed, Enqere, Îzmîr û li Stenbolê di serdegirtinên malan da edîtora T24ê Sibel Yükler, nûçegihanên Ajansa Mezopotamyayê Delal Akyüz û Fırat Can Arslan, edîtora mafên Jin û LGBT+an ya Bianetê Evrim Kepenek û rojnameger Evrim Deniz hatibûn desteserkirin.

Rojnameger di çarçoveya lêpirsîna ku ji aliyê Serdozgeriya Komarî ya Amedê ve hatibû destpêkirin û îdiaya “hedefnîşandana wezîfedarên dewletê” hatibûn desteserkirin.

4 rojnameger, piştî îfadeyên wan yên li emnîyetê ew birin edlîyeyê û bi şertê kontrola edlî hatin berdan.